Ресейдің сыртқы істер министрі Сергей Лавров Венесуэла мәселесі бойынша АҚШ-тың әрекеттерін айыптады. Ресей СІМ басшысы АҚШ билігін Венесуэланың заңды үкіметіне қарсы үркіту-қорқыту әрекеттеріне барғанын, бір елдің ішкі ісіне араласуы халықаралық ережелерге қайшы екенін айтқан.

Ресей Сыртқы істер министрлігі жасаған мәлімдемеде, Сергей Лавров АҚШ мемлекеттік хатшысы Майк Помпеомен телефон арқылы сөйлесіп, Венесуэла мәселесін талқылаған.

Сергей Лавров АҚШ-ты гуманитарлық көмек арқылы елдің ішкі істеріне араласты деп айыптады. Лавров Венесуэла дағдарысын БҰҰ ережелері негізінде шешу керек деген ұсыныс тастаған.

Сөйлесуде тараптар Сүрия, Ауғанстан және Солтүстік Корея мәселесінде де байланысты сақтауға келіскен.

“The Qazaq Times”