Майкл Пенс. фото: ntv.ru

Сүрияның Мюнбич аймағындағы терактіден кейін, АҚШ-ның Вице-президенті Майкл Пенс ДАЙШ террорлық ұйымының толықтай жеңілгендігін мәлімдеді.

«ДАЙШ қирады. Біздің әскерилер елге қайтуда. Осыдан кейін ДАЙШ террорлық ұйымы қайтадан бұлік шығармайды. Коалициядағы серіктестердің тыныштығы мен сарбаздардың абыройын сақтап қалу барысында әлі де болса осы аймақта жұмыстар атқара береміз», деп АҚШ-тың мемлекеттік департаментінде Майкл Пенс жеткізді.

Естеріңізге сала кетейік, Сүрияның Мюнбиче аймағындағы жарылыс кезінде АҚШ сарбаздары да қаза тапқан. Кейіннен бұл оқиғаны ДАЙШ ұйымы өздерінің мойындарына алды.

“The Qazaq Times”