Жапония, Осака. Фото: gallery.world

ЭКСПО-2025 дүниежүзілік көрмесі Жапонияның Осака қаласында өтетін болды.

Жапония дауыс берудің екінші турында Екатеринбург қаласын артта қалдырды. Парижде дауыс беруді өткізген ұйымның твиттерінде Осака қаласының екінші турда 92 дауыс, ал Екатеринбург қаласының 61 дауыс жинағаны мәлім болды. Екатеринбург сондай-ақ, ЭКСПО-2020 көрмесін өткізуге де ұсыныс білдірген. Бірақ, дауыс беру қорытындысы бойынша Дубай басым түсті. Енді экспозиция Осакада 2025 жылдың 3 мамыры мен 3 қарашасы аралығында болады.
Айта кетейік, дүниежүзілік ЭКСПО көрмесі бес жылда бір рет өткізіліп, алты айға дейін жалғасады. Алғашқы ресми халықаралық көрме 1851 жылы Лондонда өткен.

"The Qazaq Times"