Facebook басшыларына 645 мың АҚШ доллары көлемінде айыппұл салынды.

Әлеуметтік желідегі қолданушылардың жеке мәліметтері Cambridge Analytica британдық компаниясына сатылып, Ұлыбританияның құпия ақпаратты қорғау заңнамасы өрескел бұзылған. 2007-2014 жылдар аралығында 90 млн-ға жуық қолданушының мәліметтері қолды болған. Мәлім болғандай, мұндай әрекет 2016 жылы өткен Ұлыбританияның Еуропалық Одақ құрамынан шығу референдумының нәтижесі мен АҚШ-тағы президенттік сайлау қорытындысын алдын-ала анықтау үшін жасалынған.

Қазіргі уақытта тергеу жұмыстары жалғасуда. Бірақ Cambridge Analytica компаниясы айыпты жоққа шығарып отыр. Ал Facebook желісінің негізін қалаушы Марк Цукерберг Америка Конгресі алдында жауапқа тартылды.

"The Qazaq Times"