Сүрия мен Ирак. Фото: Al Jazeera.

Ирактың сыртқы істер министрі әл-Жафари сүриялық әріптесі Валид әл-Муаллимен екі елдің арасындағы кедендік бақылау жұмысын жалғастыру жөніндегі тақырыпта бірқатар мәселелерді талқылады. Бұл туралы түркияның «Анадолы» агенттігінің ресми сайты хабарлады.

Сыртқы істер министрлігінің хабарлауынша, қос ел өкілдерінің арасындағы дипломатиялық кездесу Дамаск қаласында өткен. Аталған жиын барысында министрлер шегаралық аймақтардағы тауар айналымын қалпына келтіріп, қос мемлекеттің тұрғындарына еркін қатынау мүмкіндігін қарастыру төңірегінде сөз қозғаған. Әзірге, Ирак-Сүрия арасындағы кедендік бекеттердің  нақты қай уақыттан бастап  ашылатыны белгісіз. Алайда, бұл соғыстан экономикасы күйреген екі ел үшін де пайдалы болатыны анық.

Ирак және Сүрия арасындағы «Рабиа», «Әл-Каим» және «Әл-Валид» қатарлы кедендік бақылау орындарын қамтыған шекара 600 шақырымды құрайды.

“The Qazaq Times”