Иранның Бас штаб төрағасы мәлімдеме жасап, Сүрияның Дейр әз-Зор жеріндегі зымыран шабуылдарының екінші раундты болатынын айтты. Ол осыдан бұрынғы зымыран шабуылын Иранның Сүрия жеріндегі жаңа әскери қадамының бастамасы деп түсіндірген. Бұл туралы IRNA ақпараттық агенттігі хабарлады.

Иранның Бас штаб төрағасы генерал-лейтенант Мұхаммед Бакири елдегі телеарналардың бірінде жасаған мәлімдемеде: «Элбу Кемал ауданындағы зымыран шабуылы бір реткі бастама ғана, алдағы уақытта оның жалғасы болады», – деді.  

Ол Авхаз қаласына бағытталған шабуылға Иран армиясы жетерлік жауап қайтаратынын айта келіп, зымыран шабуылы Иран жауабының тек бір ғана нұсқасы екенін ескертті.

Бакири және ДАИШ-пен бірге Иранға қарсы жасалған шабуылдың лидерлері Еуропада екенін де айтып өткен.

 “The Qazaq Times”