Фото: mail.kz

АҚШ-тың Ресейге салған санкцияларының кесірі Қазақстанға да әсер етіп жатыр. Салдарынан алдағы жылдары бізде инфляция көлемі артуы мүмкін. Бұл туралы Ұлттық банк төрағасы Данияр Ақышев мәлімдеді.

Д.Ақышев өз сөзінде 2019-2020 жылдары инфляция көлемі жоғары болуы мүмкін екендігін айтты. Тамыз айында төл ақша 0,2%-ға құнсызданған және бұл алдыңғы жылдармен салыстырғанда, әлдеқайда жоғары. Сол себепті Үкімет жергілікті атқарушы органдармен бірлесіп, Ресейге тәуелді нарықтарды анықтауы қажет. Үнемі мониторинг жүргізіп, тиісті түсіндірме жұмыстарын реттеу керек.

Демек, сөзден іске дер кезінде көшпесе, инфляцияның артуы баға мен тарифтердің көтерілуіне тікелей ықпал етеді.
АҚШ Қазақстанға санкция салған жоқ, яғги «тілеп алған аурудың емі жоқ» деп қол қусырып отыруға болмайды. Байланыстың аражігін ажыратып алмайынша, теңгенің әлсіреуі, мұнай бағасының төмендеуі және әлеуметтік шығындардың артуы да жағдайды қиындата түспек.

"The Qazaq Times"