АҚШ президенті Дональд Трамп тосыннан мәлімдеме жасады. Бүгін ол «Дүниежүзілік сауда ұйымынан» шығатынын айтып, сес көрсетті. Бұл туралы Америка ақпарат құралдары хабарлайды.

Егер де ұйым Құрама Штаттарына қатысты басты шарт пен көзқарасын өзгертпесе, Трамп осыған қатысты заң жобасын енгізу арқылы ұйымның талаптарын орындаудан құтылады. Аталған құжат мақұлданса, Америка сырттан келетін тауарларға күрделі сомада салық сала алады. Сондай-ақ жаңа норма арқылы Трамп Дүниежүзілік сауда ұйымының басты ережелерін ескермеуге құқылы. Демек, жақын арада алпауыт Америка ұйым құрамынан шығып, кезекті мәрте күллі әлемді таңқалдыруы мүмкін.

"The Qazaq Times"