Бүгін Алматы  қаласы мәслихатының кезектен тыс ХХХІІ сессиясы өтті. Сессиясы барысында Алатау және Бостандық аудандарындағы бірнеше көшенің жаңа атауы бекітілді.

“Көше атауларын өзгертудің бірден-бір себебі – көше аттарының қайталана беретіні”, – деп түсіндірді қалалық мәслихаттың хатшысы Қалдыбай Қазанбаев.

Жаңа атаулар бекітілген соң қалада Батырхан Шүкенов, Әбіш Кекілбаев және Фариза Оңғарсынова атындағы көшелер пайда болды деп күтілуде.

Еске салайық, биыл мамыр айында Алматы мәслихатының комиссиясы 164 көшенің атауын өзгертуді ұсынған болатын.

“The Qazaq Times”