Тамыздың 4-інен 5-іне қараған түні Елеусінов Кардиффте өткен бокс кешінде венгр боксшысы Габор Горбичті ұпай санымен жеңді.

Данияр Елеусіновтің ісін жүргізіп жүрген "Matchroom" промоутерлік компаниясының басшысы Эдди Хирн қазақстандық боксшының келесі жекпе-жегі қайда өтетінін айтты.  Тамыздың 4-нен 5-не қараған түні Елеусінов Кардиффте өткен бокс кешінде венгр боксшысы Габор Горбичті ұпай санымен жеңді. Boxing Scene порталына берген сұхбатында Хирн Елеусіновтің келесі жекпе-жегі қазанда АҚШ-та өтетінін айтты. Алайда ол қай күні өтетінін нақтылаған жоқ.  «Бұл кезекті алты раундтық жақсы жекпе-жек болды. Кездесудің бірінші жартысына қарағанда екіншісі әлдеқайда жақсы бола түсті. Алайда біз оның тарапынан ең үздік нәтиже көру үшін деңгейімізді көтере түсуіміз қажет», - деді Хирн.

“The Qazaq Times”