Фото: Көрнекі сурет

Еліміздегі мешіттерде шақырылатын азан дыбысына бақылау орнатылды. ҚР Дін істері және азаматтық қоғам министрлігі мешіттердегі азан дыбысы қаттылығының өлшемін бекітті. Бұл туралы аталған министрліктің баспасөз қызметі хабарлайды.

Ведомостваның мәліметінше, тұрғын үйлердің ішкі бөлмелеріне естілетін дыбыстардың деңгейі таңғы сағат 7:00 - 23: 00 аралығында 55 пен 70 децибелден аспауы тиіс. Ал, 23:00 мен 7:00-ге дейін 45-60 децибел аралығында болуы шарт.

ҚР Дін істері жөніндегі комитет Қазақстан Мұсылмандары Діни басқармасымен және Астана, Алматы қалалары мен облыстардағы дін істері басқармасымен бірге имамдарға азан дыбысының тұрғын үйлер мен өзге де ғимараттардағы, қоғамдық орындардағы санитарлық-эпидемиолиялық талаптарға сай болуы керектігін түсіндірмек.

“The Qazaq Times”