Фото: Талибандар, көрнекі сурет

Ауғанстандағы Талибан қозғалысы Ораза айттың құрметіне бітім жасайтындары туралы хабарлады. Ауғандық «Талибанның» қақтығысты тоқтату туралы шешімі 2001 жылдан бері алғаш рет орын алып отыр. Бұл туралы france24.com/fr агенттігі хабарлайды.

Талибандардың жетекшілері осы бітімнің «шетелдік басқыншыларға» жарамсыз екендігін, өз-өздерін қорғау мақсатында қозғалыс мүшелерінің өздеріне жасалған қандай да бір шабуылға қарсы әрекет етуге дайын екендіктерін хабарлады.

Бұдан бұрын да хабарларымыздай, Ауғанстан президенті Ашраф Ганидың Талибандармен бітім жасасқаны белгілі. Ол уақытша бітім күндерінің қасиетті Рамазан айының 27-сінен (11 маусымнан 19 маусымға дейін) басталатынын хабарлаған еді. Уағдаластық бойынша, Ауғанстанда бүгін, яғни 11 маусымнан бастап, бітімгершілік күндері басталуда.

“The Qazaq Times”