Ресей "Байқоңыр" ғарыш айлағындағы "Зенит" зымыранын ұшыратын аумақты Қазақстанға қайтарды. Бұл туралы РИА Новости агенттігі  хабарлады.

Әзірге тараптар арасындағы келісімге қол қойылмаған. Екі жақ заңдық құжаттарды әзірлеп жатыр. Осы күні "Байқоңырдағы" 212 нысанның 3-еуі Қазақстанның жеке қолданысына берілген екен. Жуырда тағы 31 нысан біздің елдің меншігіне өтпек.

Қазақстан билігі "Байқоңыр" ғарыш айлағынан зымыран ұшыруды әрі қарай дамыта бермек. Жеке қолданысқа өткен аумақтар қайта жөнделіп, басқа елдерге жалға беріледі деп күтілуде.

“The Qazaq Times”