Фото: Engin_Akyurt

Менингит Қызылордаға да ауыз салды. Өңірде 27 жастағы тұрғын қауіпті дертке шалдығып, дәрігерлердің көмегіне жүгінген. Ақ халаттылар науқастың жағдайы тым ауыр деп отыр. Бұл туралы аймақ басылымдары жазды.

Былтырғы жылдан бері Қызылорда облысында менингит жұқтырған бірде-бір науқас тіркелмеген екен. Қазір дәрігерлер қатерлі дертке шалдыққан тұрғынмен қарым-қатынас жасаған 11 адамды тексеріп жатыр.

Келесі апта өңірде менингитке қарсы епке жасау науқаны басталмақ. Медиктер кез келген тұрғын өзіне вакцина жасай алады дейді. Құны - 22 мың теңге.

Қазақстанда биылғы жылдың өзінде менингиттен 8 адам қаза тапқан. Қазір Алматыда осындай дертке шалдыққан 30 науқас ем қабылдап жатыр екен.

“The Qazaq Times”