Жапон жұрты шетелден жұмыс күшін шақырмақ. Фото: South China Morning Post.

Жапония үкіметі шетелден жұмысшылар шақыруға шешім шығарды. Бұл Жапония бас уәзірі (премьер-министрі) Шинзо Абенің жаңа экономикалық саясатына байланысты қабылданған шара. Алдағы уақытта парламентке ұсынылмақ. Бұл туралы «Шинлаң» ақпараттық сайты хабарлады.

Мәлімдемеге сәйкес Жапония үкіметі ауыл шаруашылығымен құрылыс саласындағы жұмыс күшін арттыру үшін 2025 жылға дейін 500 мың шетелдік жұмысшы тартпақ. Сонымен бірге, ауыл шаруашылығы, денсаулық сақтау және кеме құрлысы саласына қызмет ететін шетелдік жұмысшылар (отбасы мүшелерінен қамтылмаған) жапон бес жылға дейін тұра алатын болмақ.

Айта кетейік, 2017 жылғы санақта, Жапонияға жұмыс істей барған шетелдік жұмысшылар саны 1 млн 200 мың адамнан асқан. 2025 жылға дейін бұл көрсеткішті 1,7 млн адамға жеткізбек.

"The Qazaq Times"