Солтүстік Кореяның ең жоғары басшысы Ким Жоң Унның қарындасы Ки Йо Жоң Оңтүстік Кореяда өтетін қысқы Олимпиада ойындарына барады. Бұл туралы Оңтүстік Кореяның Yonhap ақпараттық агенттігіне сілтеме жасай отырып «People» басылымы хабарлады.

Оңтүстік Кореяда өтетін Пиоңчаң қысқы Олимпиада ойындарына Солтүстік Корея 22 адамдық делегация өкілдерін жіберетін болған. Хабарға қарағанда, делегацияны КХДР Жоғары мәжілісінің төрағасы Ким Йо Нам бастап барады және өкілдер құрамында  Ким Жоң Унның қарындасы әрі КХДР Жұмысшы партиясының үгіт-насихат департаментінің жетекшісі Ким Йо Жоң да бар.

Оңтүстік Кореяның Біріктіру министрлігінің мәліметіне қарағанда өкілдер құрамында Солтүстік Корея спорт комитетінің және екі ел қарым-қатынасына жауапты лауазымдылар да бар. Олардың Оңтүстік Кореядағы сапары үш күнге жалғасады.

Айта кетейік, Пиоңчаң олимпиадасына Солтүстік Кореядан 22 спортшы қатысады.

“The Qazaq Times”