Бүгін Астанада Сүрия дағдарысына байланысты кезекті бесінші келіссөздер басталды.

Келіссөз барысында делигаттар әр түрлі форматта Сүрия жерінде деэсколация аумағын қай жерлерде құру керектігі жайында және Сүрия ұлттық бітімгерлік комитетін құру мәселелерін талқылайтын болады.

Естеріңізге салайық бұған дейін Астанада қаңтар, ақпан, наурыз, мамыр айларында Сүрия дағдарысына байланысты төрт рет кездесу болып өткен болатын. Нәтижесінде келіссөзге қатысушы тараптар Сүрия жерінде қауіпсіз аумақтар құруға байланысты мәмлеге келген.

Бұл мәмлеге келу құжатына келіссөзге қатысушы Түркия, Иран, Ресей сынды гарант мемлекеттер қол қойған еді.

«The Qazaq Times»