Солтүстік Корея тағы бір баллистикалық зымыранын сынақтан өткізді деп хабарлайды NHK телеарнасы.

КХДР баллистикалық зымыраны жергілікті уақыт бойынша сағат 00:40 ұшырылған. Жапония әскерилерінің мәліметінше, зымыран 40 минуттай ұшып, Жапон теңізінің экономикалық аумағына барып құлаған.

Әзірге бұл сынаққа байланысты Солтүстік Корея тарапынан ешқандай ресми мәлімдеме жасалмаған.

Ал Оңтүстік Корея басшысы Мун Чжэ Ин осыған байланысты ұлттық қауіпсіздік кеңесімен кезектен тыс бас қосу өткізген.

«The Qazaq Times»