Фото: bbc.com

Жаппай сатылымда небәрі  10 фунтқа алынған гауһартасты сақина Лондон қаласында өткен аукционда 656 мың фунтқа (847 мың доллар) сатылды.

Аукцион басталғанға дейін сарапшылар бұл бағалы тастың құнын 350 мың фунт (452 мың доллар) шамасында деп есептеген еді.

Ал Sotheby's аукционындағы бағасы болжанған сомадан екі еседей асып түскен.

Сақинаның иесі гауһартасты Лондонның Хаунслоу ауданындағы Батыс  Мидлсекс ауруханасының маңайындағы көшедегі жаппай сатылымда алған болатын. Көп жылдар бойы оны тек қарапайым әшекей деп күнделікті тағып жүрген. Ал сақинада 26 карат гауһартас барын ешкім ойламаған да.

“The Qazaq Times”