Фото: worldarchery.org

Қазақстан құрамасы  тұңғыш рет садақ ату бойынша алтын медальға ие болды.  Осы уақытқа дейін рейтингте 43, 129, 175 орындарда тұрақтаған Қазақстандық мергендер олимпиада чемпиондары, кореялық О Джин Хёк, Ким Вужин және Им Донг Хен атты спортшыларын шаң қаптырып кетті. 

Қытайдың астанасы Пекинде өтіп жатқан садақ атудан әлем чемпионатында қазақстандық Денис Ганкин, Айбек Сайдиев және Санжар Мұсаев нысананы дәл көздеп, ең төменгі жүздіктен бірден жеңіс тұғырына көтерілген.

Айбек Сайдиев: "Бұл біз үшін күтпеген нәтиже болды. Бірақ біз көп дайындалдық және үміт ақталды" - деп, қуанышымен бөлісті.

“The Qazaq Times”