Солтүстік Корея өзінің тағы бір баллистикалық зымыранын сынақтан өткізді деп хабарлайды ВВС ақпараттар қызметі.

Оңтүстік Кореялық Рейнхап ақпарат агенттігінің мәліметінше зымыран 500 шақырымдай ұшып, Жапон теңізіне барып түскен. Ал Жапония бұқаралық ақпарат құралдырының айтуынша,  зымыран Жапон теңізіндегі экономикалық аймақтан тыс жерге құлаған.

Осыған байланысты Оңтүстік Корея басшысы Мун Чжэ Ин шұғыл түрде қауіпсіздік қызметімен дөңгелек үстел өткізген.

Оңтүстік Кореялық БАҚ өкілдерінің айтуынша, зымыран Пхенан-Намдо провинциясының Пукчхан ауданында орналасқан сынақ алаңынан ұшырылған.

Осыдан бір апта бұрын Солтүстік Корея өінің ядролық қару алып ұшуға қауқарлы қысқа қашықтықтағы зымарынын сынақтан өткізген болатын.

“The Qazaq Times”