Иранның қазіргі вице-президенті Исқақ Жаһангири. Фото: Trent News Agency

Иран Ислам Республикасының 12-ші кезекті президент сайлауы өтуге жақын қалды. 16 мамыр күні Иранның қазіргі бірінші вице-президенті өзінің президент сайлауындағы кандидатурасынан бас тартатындығын жариялады. Бұл туралы «Шинхуа» ақпараттық агенттігінің Техрандағы тілшілері хабарлап отыр.

Иран Ислам Республикасының ақпараттық агенттігінің хабарына сәйкес, қазіргі вице-президенті Исхақ Жаһангири президенттік сайлаудан шегініп шығатынын жариялаған. Ол бұл әрекетін қазіргі президент Роуханиге қолдау білдіру үшін деп түсіндірген. Ол сөзінде: «Ұлттық прогресс Иранның нұрлы болашағының алғышарты. Сондықтан мен сайлауда президент Роуханиге дауыс берулеріңізді сұраймын», – деді.

Екі күннен кейін Иранның 12-ші кезекті президент сайлауы өтеді.  Елдің Ішкі істер министрлігі 20 сәуірде жариялаған хабарында, президент Роуханиды қамтыған 6 үміткердің Конституциялық жоғары кеңестің сараптауынан өткендігі айтылған. 15 мамыр күні Техран қала бастығы, 16 күні қазіргі вице-президент президенттік сайлаудан шегініп шықты. Ал қазір үміткер  кандидаттар саны президент Роуханиді қосқанда 4 адам.

Иранда әр төрт жылда бір рет президент сайлауы өтеді. Сайлаушылар өз кандидатына тікелей дауыс бере алады. Бір тұлға қатарынан екі кезек президент болуына мүмкіндігі бар.

“The Qazaq Times”