Қазіргі таңда қарапайым адамның смартфондарға тәуілділігін көріп, бұл техналогияның жақын арада нарықтан шыға қоймайтынын сеніммен айта аламыз, бірақ Microsoft корпорациясының қызметкері Алекс Кипман бұл гаджеттердің де дәурені өтетін уақыт алыс еместігін айтуда.

Kinect және HoloLens құрылғылары қолданысқа енгеннен кейін ұялы телефондар  біртіндеп қолданыстан шығуы мүмкін. Корпорация адам мен виртуалды әлемді барынша байланыстыратын гибрид техналогияларды құрастыруды бастаған.

Бұл құрылғылар адамға көзәйнек секілді кигізіліп, гаджеттер атқаратын барлық функцияларды толықтай орындауға қабілетті. Ұтымды жағы – адам мессенджерлерді,  басқа да қызметтерді пайдалану үшін қолын да қимылдатпай, артық уақыт жұмсамай-ақ жүзеге асырады.

AP Photo/Elaine Thompson

HoloLens – техналогия әлеміне үлкен төңкеріс алып келуі мүмкін. Бірақ ұялы телефондардың миллондаған нұсқаларын сатып, миллиардтап пайда табатын Apple және Samsung компаниялары бұл жаңа жабдықты жасауға аса құлшыныс  танытып отырған жоқ.

“The Qazaq Times”