Еуропа ядролық, химиялық және биологиялық төтенше жағдайға қарсы қор құрып жатыр (Ескерту: фото-сурет пен материал мазмұны сай келмеуі мүмкін). Фото: The Conversation

Еуропа одағы химиялық, биологиялық және ядролық төтенше жағдайларға дайындалуда. Еурокомиссия аталған төтенше жағдайларға дайын бол үшін арнайы қор құрды және оған 540 миллион еуро көлемінде қаржы бөлетінін мәлімдеді.

Еурокомиссия аталмыш қорды Украинадағы соғыс жағдайна байланысты қабылдап отыр. Ресей мен Украина күштерінің Чернобыль маңында қақтығысы күшейген тұста Еуропа елдері ядролық төтенше жағдайдан алаңдаған болатын.

Чернобыль маңындағы қақтығыс Еуропаны алаңдатқан еді. Фото: Правда. Украина

Еуропалық Комиссияның ресми мәлімдемесіне қарағанда, аталмыш қор химиялық, биологиялық және ядролық төтенше жағдайлар кезіндегі эвакуация, залалсыздандыру және медициналық көмекті өз міндетіне алады.

Алғашқы қадамда қор есебінен 3 миллион калий йод таблеткасы азаматтық қорғаныс механизмі аясында Украинаға жіберілді.

The Qazaq Times