Ресейде Путинді сынаған журналист көз жұмды деп жазады Голос Америки ақпарат көзі.

Санкт-Петербург қаласынан шығатын «Новый Петербург» газетінің құрылтайшыларының бірі Николай Андрущенко 19-шы сәуірде көз жұмған. Андрущенконы 9- шы наурызда белгісіз біреулер соққыға жыққан, сол уақыттан бері ол ауруханада ес-түссіз, аппаратпен тыныс алып жатқан.

«Новый Петербург» газетінің редакторы Денис Усов,  Андрущенконың өлімін  Санкт-Петербургтегі жемқорлық жайында жазғанымен байланыстырады.

Николай Андрущенко тірі кезінде  Ресей билігі мен Владимир Путинді жиі сынайтын болған.

ЕҚЫҰ-ның (ОБСЕ) өкілі  Дуния Миятович өзінің твиттер парақшасында, РФ журналистері билік тарапынан қысым көретінін және жиі  өмірлеріне қауіп төнетінін айтқан.

"The Qazaq Times"