Украина қорғаныс министрі Резников. Фото: ICTV

Ресей Украинаға шабуыл жасаған жағдайда, 5 миллион украиналық босқынға айналуы мүмкін. Бұл туралы сол елдің қорғаныс министрі Алексей Резников Politico басылымына берген сұхбатында мәлімдеді.

Резниковтың мәліметінше, АҚШ президенті Жо Байден мен Ресей президенті Владимир Путиннің онлайн саммиті өте салып, Ресей Украина шекарасындағы әскерлерін тіпті де көбейте түскен. Қазір Украинаға жақын шекарада Ресей 100 мыңнан астам әскерін ұстап тұр.

Украина қорғаныс министрі сұхбатында ауқымды басып кіру болған жағдайда бұл әрекет екі тарапқа да ауыр шығындар алып келетінін, соңын жинастыру қиын болған дағдарысқа жол ашатынын баса айтқан. Ол және қақтығыс болған жағдайда Украинадан 5 миллион адам босқынға айналуы мүмкін екенін жеткізген.

Бұған қоса Резников «Путиннің соңғы нысанасы Украина емес» деп ескерткен.

The Qazaq Times