Фото: ашық дереккөзденалынды

«Қазақстан Ұлттық Банкі Қазақстан Республикасы Тәуелсіздігінің 30 жылдығына арналған номиналы 20 000 теңгелік мерейтойлық банкнотты айналысқа шығарады. Бұл туралы Ұлттық Банк хабарламасында айтты.

Банкноттың бет жағында  Қазақстан Республикасының Мемлекеттік рәміздері, Қазақстан Республикасының экс президенті Н.Ә. Назарбаев портретінің голографиялық бейнесі, «Қазақ Елі» монументі, «Мәңгілік Ел» салтанат қақпасы, қазақтардың дәстүрлі тұрғын үйі «Киіз үйді» безендіру желісі бойынша «Басқұр» – таспасындағы қазақтың ұлттық өрнегінің фрагменті. Ал, сыртқы  экс президент  Н.Ә. Назарбаевтың портреті, астананың және Ақорда Президент резиденциясының панорамалық көрінісі, Қазақстан Республикасы Тәуелсіздігінің 30 жылдығын мерекеуге арналған логотип бейнесі салынған.

Қазақстанды 30 жылдай басқарған Нұрсұлтан Назарбаевқа арналған мұндай мерейтойлық банкнот Қазақстан Республикасы Тәуелсіздігінің 25 жылдығына орай 10 000 теңгелік ақшағада сылынған болатын. Одан тыс бірнеше қалада ескеткіш, ірі қалаларда орталық көшелер, ел ордасының аты, астанадағы әуежай және университеттермен мектептер т.б. нысандар бар.

Елдегі кейбір саясаткерлер мен қоғам белсенділері осының бәрін Назарбаевтың жеке басына табыну деп санайды.

The Qazaq Times