Давид Дегтярев. Фото: paralympic.kz

Қазақстан спортшысы Давид Дегтярев Токио өтіп жатқан паралимпиадада пауэрлифтингтен чемпион атанды. 54 келі салмақта сынға түскен Дегтяров үш мүмкіндігін толық пайдаланып, 174 келіні еңсерді. 

Бұл салмақта күмісті франциялық Аксель Бурлон (165 келі), қоланы грекиялық Димитриос Бакохристос (165 келі) иеленді.

Бұл Токиодағы паралимпиадаға 25 спортшысы қатысып жатқан Қазақстан құрамасының алғашқы жүлдесі.

25 жастағы Дегтяров биыл паралимпиада алдында Тбилисиде өткен әлем кубогында 185 келіні көтеріп, алтын медаль алған. Ол Грузиядағы жарыста Азия рекорд жаңартқан еді. Қазақстандық атлет 2018 жылы Джакартада өткен пара Азия ойындарында 54 келіде күміс медаль иеленген. Дегтярев Индонезиядағы жарыста 157 келі көтерген.

Дегтяров Ақмола облысы Атбасар қаласында туған. Паралимпиадаға алғаш рет қатысты.

Қазақстан 2016 жылы Риода өткен паралимпиадада бір алтын, бір күміс медальмен жалпы есепте 58-орын алған. Рио паралимпиадасында жүзуден Зүлфия Ғабидулиначемпион атанса, пауэрлифтингтен Раушан Қойшыбаева күміс медаль иеленген. Ғабидулина мен Қойшыбаева да Токио паралимпиадасына қатысып жатыр.

The Qazaq Times