Алматы кіреберсіндегі "Апорт мол" сауда-ойын-сауық орталығы. Фото: zakon.kz

Бүгін, 23 сәуірде Алматы қаласы мен қала маңындағы бірнеше сауда-ойын-сауық орталықтары "бомба қойылған" деген хабарламалардан кейін эвакуацияланды. Бұл ақпаратты қалалық полиция департаменті хабаралды.  

Департамент таратқан хабарламаға қарағанда, Алматыдағы Villa кешенінің және Mart сауда орталығының қызметкерлері мен келушілері эвакуацияланған. Бұған қоса, қалаға кіре берісте орналасқан Mall Aport сауда-ойын-сауық орталығында да эвакуциялау жүргізілген.

Қазір полиция хабарлама жіберушілерді іздестіріп, аталған сауда орталықтарын тексеріп жатыр.

Қазақстанда жоғарыда айтылғандай үлкен ойын-сауық орталықтарына бомба қойылғаны жайлы хабарланады. Алайда көбіне ондай хабарламалар жалған болып шығады.

"The Qazaq Times"