Фото: static.dw.com

Германия бүгіннен бастап британ-шведтік AstraZeneca компаниясы шығарған вакцинаны қолдануды қайта бастайды. Бұл туралы ГФР Денсаулық сақтау министрі Йенс Шпан мәлімдеді.

«Біздің ортақ мақсатымыз – барлық 16 федералды штат тұрғындарына екпе егу. Осы арқылы біз пандемияға тосқауыл бола аламыз», – делінген ресми хабарламада.

Коронавирусқа қарсы вакцинация Германияда желтоқсанның соңында басталды. Қазір елде Biontech-Pfizer консорциумы әзірлеген вакцина, сондай-ақ Moderna компаниясының екпесі қолданылады.

Жақында Еуропаның бірқатар елдері AstraZeneca екпесін сатып алудан бас тартып отыр. Себебі, «препараттың қан айналымын нашарлатып, тромбылардың түзілуіне ықпал етеді» деген болжамдар айтылды. Кейіннен Еуропаның дәрі-дәрмек жөніндегі агенттігі препаратты тексере келе, екеуінің арасыннан байланыс таппағанын мәлімдеді. Сарапшылар мәселе вакцинаның белігілі бір партиясымен байланысты болуы мүмкін деген жорамалды да жоққа шығарды. Осыдан кейін Германия, Франция мен Италия вакцинаны қайта қолдана бастайтынын хабарлады.

"The Qazaq Times"