Көрнекі сурет. Фото: ОСК

Алматы қаласында азаматтық журналистер QT редакциясына жеке телефонындағы интернеті өшірілгенін хабарлады.

Oyan, Qazaqstan белсендісі, журналист Әсем Жапишева және Демпартия бастамашыл тобының жақтасы, тілші Инга Иманбайдың ұялы байланыс операторындағы интернет істемей қалған.

«Қасымыздағы өзге адамдарда интернет бар. Тек екеуіміздің интернетіміз бұғатталған. Сыртты полицейлер аңдып тұр», – деді Жапишева.

10 қаңтар күні өтіп жатқан мәжіліс және мәслихаттар сайлауында бірқатар құқық бұзушылықтар орын алып, Алматы қаласы мен облысында журналистер сайлау учаскелеріне кіргізілмеген.

“The Qazaq Times”