Moderna компаниясы әзірлеген коронавирусқа қарсы вакцина 100% тиімділік көрсетті. ВВС мәліметінше, бұл жаңа дәріні ауруы асқынған науқастарға қолданған кездегі көрсеткіш.

Ал қалған жағдайларда препараттың тиімділігі – 94,1%. Осы күнге дейін вакцинаның қауіпсіздігіне қатысты қандай да бір күрделі қиындықтар тумаған. Енді Moderna жаңа дәріні ресми түрде тіркеу үшін АҚШ пен Еуроодақ билігіне өтініш білдірмек ниетте.

Бұған дейін әлемде екі вакцина клиникалық сынақтың соңғы үшінші фазасын аяқтаған. Қазір басқа он екпе сынақтың соңғы кезеңінен өткізіліп жатыр. Сынақтан сәтті өтіп, коронавирусты емдеуде 90%-дан артық дәлдік көрсеткен вакциналар қатарында Pfizer, BioNTech фармацевтикалық компаниясы жасаған екпе және америкалық Мoderna екпесі бар.

Америкалық Pfizer және оның германиялық серіктесі BioNTech компаниясы бірлесіп әзірлеген вакцинаның тиімділігі клиникалық сынақта 90%-дан астам оң нәтиже көрсеткен.

Мoderna екпесінің Pfizer-ден басты айырмашылығы – екпені өте суық тоңазытқышта сақтаудың қажеті жоқ. Moderna вакцинасы 2-8 градус температурада 30 күндей, ал -20 градуста алты айдай сақталады. Ал Pfizer вакцинасын сақтау үшін -70 градус температура қажет. Аталған екпенің сынағына екпесінің сынағаны 30 мыңдай адам қатысқан. Компанияның мәлімдеуінше, сынақ кезінде вакцина Covid дертінің ауыр түрінен де қорғайтыны анықталған.

Ал Оскфорд университеті мен AstraZeneca компаниясы өндірген коронавирусқа қарсы вакцина 70% тиімділік көрсеткен.

"The Qazaq Times"