Франция президенті Эммануэль Макрон. Фото: https://cdn

Эпидемиологиялық ахуладың нашарлауына байланысты Францияның бірқатар өңірінде коменданттық сағат енгізілді. Бұл туралы The Guardian хабарлады.

Ереже бойынша, сағат 21.00-06.00 аралығында тұрғындарға сыртқа шығуға қатаң тыйым салынады. Тәртіпке бағынбағандар бірінші рет ереже бұзса 135 еуро көлемінде, ал екінші қайтара тіркелсе 6 500 еуро айыппұл төлейді. Мұнымен қоса, кинотеатр, театр, кафе-барлардың жұмыс уақытына шектеу енгізіледі.

Жаңа қаулыны бекіткен Франция президенті Эммануэль Макрон: «Біз коменданттық сағат режимін енгізу арқылы елдің 9 аймағында коронавирустың таралуын тежемекпіз. Ал туған күнді атау өту секілді сауық кештері керісінше инфекцияның таралуына жол ашады», – дейді.

Қоғамдық көліктер қызметін тоқтатпайды. Тек жүру кестесі ғана қысқарады. Тәртіптің қатаң сақталуын жергілікті полицейлер қадағалайтын болады.

"The Qazaq Times"