Александр Лукашенко және Владимир Путин. Фото: https://kommersant

Беларусь президенті Александр Лукашенко Ресейдің Қорғаныс министрі Сергей Шойгумен кездесуде Брест маңында өтіп жатқан «Славян бауырластығы» әскери жаттығуларын жалғастыруды ұсынды.

БЕЛТА агенттігіне сұхбат берген Лукашенко: «Біз Ресей президентімен Беларусь аумағында өтетін әскери жаттығуларды жалғастыруға келістік. Алдағы уақытта Ресеймен бірлесе басқа да жоспарларды жүзеге асырамыз», – деді.

Ресей Қорғаныс министрлігінің басшысы Мәскеу мен Минск биыл әскери салада 130-ға жуық ісшара өткізуді алдын-ала жоспарлағанын айтты. Ресейдің Қорғаныс министрі Сергей Шойгу: «Өкінішке орай, бағдарлама тек 30%-ға орындалды. Бізге жыл соңына дейін бұл жоспарды кем дегенде 70%-ға жеткізу керек. Ол үшін қазір болып жатқан ілімдердің екінші кезеңін қорытындылаймыз. Қазанда келесі бірлескен жаттығулар басталады», – деді.

Лукашенко мен Путиннің Сочидегі кездесуінде Ресейдің Беларуське 1,5 миллиард доллар көлемінде мемлекеттік несие беретіні мәлім болды. Келіссөздің қорытындысы бойынша, ресей-беларусь шекарасына жақын маңдағы құқық қорғау органы мен ұлттық гвардияның резерві «Славян бауырластығы-2020» оқу-жаттығуларынан кейін қайта құрылатыны айтылды.

"The Qazaq Times"