Беларусь президенті Александр Лукашенко үкіметті отставкаға жіберді. Бұл туралы Белта сайты хабарлады.

Президент өткізген арнайы кеңеске Республика Кеңесінің төрағасы Наталья Кочанова, Өкілдер палатасының төрағасы Владимир Андрейченко, Президент Әкімшілігінің басшысы Игорь Сергеенко және Қауіпсіздік кеңесінің мемлекеттік хатшысы Андрей Равков қатысты.

Үкіметтің жаңа құрамын жасақтау туралы Лукашенко 3 маусымда айтқан болатын. Лукашенко жергілікті басылымдарға сұхбатында «үкіметті ауыстыруы кезінде елде ешқандай революция болмайды, тек кадрларды жаңартамыз» – деді. Президент қаулысы ресми жарияланған соң күшіне енеді.

"The Qazaq Times"