Көрнекі сурет. Фото: ашық дереккөз

ІІМ-нің мәліметіне қарағанда, елімізде карантин кезінде қылмыс 26%-ға төмендеген көрінеді. 

Еліміздің ішкі істер министрі Ерлан Тұрғымбаев өзін-өзі оқшаулау және шектеу тәртібі кезеңінде қабылданған шаралардың арқасында елдегі қылмыс 26%-ға төмендегенін хабарлады. Полиция мен ІІМ-нің басқа да күштері мұндай ерекше режимде алғаш рет жұмыс істеді.

"Тәулік бойы жұмыс режимі, бірқатар жағдайларда дала жағдайларымен казармалық жағдайы, үй мен отбасынан алшақтығы, кейде жекелеген азаматтардың түсінбеуі мен қарсыласуы үлкен психологиялық және физикалық жүктемелер тудырды. Бірақ біздің қызметкерлеріміз барлық 78 күн бойы ел басшылығы қойған міндеттерді нақты орындай отырып, қызмет өткеруді жалғастырды", – деді Ерлан Тұрғымбаев.

Министрдің бұйрығымен блок-бекетте коронавирустық инфекциямен күрес шараларына тікелей қатысып, ерекше көзге түскен полицейлер қызметтік міндеттерін адал орындағаны үшін алғыс хаттармен марапатталды.

Қазақстанда карантин 78 күнге созылды. Осы кезеңде елде 400-ге жуық блок-бекет жұмыс істеді, оған 6 мыңға жуық ІІО қызметкерлері қатысты. Барлық кезеңде блок-бекеттерде 3,2 млннан астам көлік құралдары және 5 млн жолаушы тексерілді.

"Елді мекендер арасындағы блок-бекеттер алынып тасталады. Бірақ бұл қауіп жоқ дегенді білдірмейді. Азаматтарға санитарлық талаптармен сақтық шараларын қатаң сақтау керек", – деді ІІМ басшысы.

2020 жылғы қаңтар-наурызда қылмыстық құқық бұзушылықтар түрлері бойынша тіркелген қылмыстық құқық бұзушылықтар саны*

бірлік

Аймақ Тіркелген қылмыстық құқық бұзушылықтар Тіркелген қылмыстық құқық бұзушылықтардың жалпы санынан
қасақана кісі өлтіру және кісі өлтіруге оқталу қарақшылық тонаулар ұрлықтар экономика саласындағы қылмыстар
Қазақстан Республикасы 54 990 280 102 1 109 23 670 549
Ақмола 2 456 19 7 45  968 11
Ақтөбе 2 435 14 3 41 1 125 27
Алматы 4 946 23 8 60 2 068 39
Атырау 1 776 6 5 41  617 16
Батыс Қазақстан 2 229 5 3 53 848 17
Жамбыл 2 001 32 4 50 792 30
Қарағанды 3 721 36 5 102 1 789 35
Қостанай 2 901 18 4 62 1 180 32
Қызылорда 1 531 6 2 23 577 16
Маңғыстау 1 302 6 9 19 345 17
Павлодар 1 802 27 6 41 618 18
Солтүстік Қазақстан 1 599 8 1 25 617 8
Түркістан 2 325 10 4 30 721 12
Шығыс Қазақстан 4 693 22 2 91 1 980 34
Астана 3 857 9 7 86 1 534 18
Алматы қаласы 10 802 28 20 264 6 078 134
Шымкент қаласы 3 773 11 12 66 1 595 73
Көлік өңірі 613 - - 2 176 12
Әскери қызметшілер жасаған 131 - - - 4 -
Арнайы аумақ (Байқоңыр) 97 - - 8 38 -

*Қазақстан Республикасы Бас прокуратурасы Құқықтық статистика және арнайы есепке алу жөніндегі комитетінің дерегі бойынша

"The Qazaq Times"