Италия үкіметі елдегі карантин режимін 13 сәуірге дейін ұзартты. Бұл туралы Италияның денсаулық сақтау министрі Роберто Сперанца хабарлады. 

Елде коронавирус пандемиясының өршуіне байланысты төтенше жағдай мен карантин 10 наурызда енгізілген болатын. Министрдің мәлімдеуінше, бұл қадам дәрігерлердің осы кезге дейін жасаған еңбегі бекер болмауы үшін жасалып отыр. Себебі Италия билігі кесірлі дерттің ошағы әбден әлісреп жойылғанға дейін карантинді алып тастауға қорқа соғады.

Соңғы деректер бойынша, әлемде қауіпті дертке шалдыққандар саны 870 мыңнан асқан. 43 271 адам көз жұмған. Ад Италияда коронавирус 77 635 адамнан анықталса, 12 428 адам ажал құшқан.

"The Qazaq Times"