Германия канцлері Ангела Меркель коронавирусты жұқтырды деген күдікпен үй карантиніне жатқызылды. Бұл туралы CNN хабарлады.

Канцлерге қауіпті кеселді жақында ғана екпе салған дәрігері жұқтыруы мүмкін. Себебі кейінірек медициналық маманнан COVID-19 анықталған. Осыдан екі күн бұрын ғана Меркельдің супермаркеттен азық-түлік алып жүрген жаңалығы желіні шулатқан еді. Енді канцлер үйден жұмыс істейді. Сондай-ақ корнавирусқа тест тапсыруы тиіс.

Германияда коронавирустың өршуіне байланысты қатаң карантин режимі еегізіліп, екі адамнан көп жиналуға тыйым салынған. Елде індетті жұқтырғандар саны 25 мыңға жетті. Көз жұмғандар – 94. Дертен сауыққандар саны —266 адам.

"The Qazaq Times"