Көрнекі сурет. Фото: https://cabar.asia

Қазақстан жаһандық теңізге шығар жолы жоқ дамушы елдер тобының төрағасы болып сайланды.

Қазақстанның БҰҰ жанындағы тұрақты өкілі Қайрат Омаров: «Қазақстан – жер аумағы жағынан теңізге шығар жолы жоқ ең ірі ел. Сол себепті осы елдер тобында төрағалық ету біз үшін өте пайдалы әрі тиімді болмақ. Өйткені өзіміз де осы мәселелермен айналысып, транзит пен өзара әрекеттесуді жақсартып, әлемдік сауда орталықтарына шығу жолдарын табуға тырысып келеміз»,– дейді.

2021 жылға дейін басшылық ететін топқа 32 мемлекет кіреді: Африка, Азия, Еуропа және Оңтүстік Америка елдері. Мүше мемлекеттердің бәрі Қазақстанның төрағалығына бір ауыздан қолдау білдірген.

Төрағалық ету кезінде Қазақстан БҰҰ мекемелерін, халықаралық қаржы институттарын, жеке секторды және ғылыми орталарды қоса алғанда, дамушы елдер тобы мен барлық мүдделі тараптар арасындағы ынтымақтастықты арттыру жүктелген. Сонымен қатар, жаңа жол картасы әзірленеді.

"The Qazaq Times"