Көрнекі коллаж. Фото: ашық дереккөз

Қытайдың қаржы министрлігі атышулы коронавирусты тоқтатуға 3,9 миллиард доллар қаражат бөлді.

Қаңтардың 29-ы қатерлі дерт ошағына айналған Қытайдың қаржы институты вирустың таралуын болдырмауға және бақылауға 27,3 миллиард юань бөлді. Қаражатты бөлу ҚКП Орталық Комитетінің (Қытай Коммунистік партиясы) және мемлекеттік кеңестің стратегиясына сәйкес жүзеге асырылған деседі.

Бүгін, 30 қаңтарда Қытайдың денсаулық сақтау басқармасы коронавирусты өлім мен инфекциялар саны туралы мәліметті жаңартты. Қайтыс болғандар саны – 170 адам және 7 711 ауруды жұқтырған, олардың 30-дан көбінің жағдайы ауыр.

Дейтұрғанмен бейресми деректер қытайда осы індетті жұқтырғандар мен қайтыс болғандар бұдан әлде қайда көп дегенді айтады.

Кейіннен Қытайдың басқа қалаларында, сондай-ақ Жапония, Таиланд, Оңтүстік Корея, АҚШ, Франция, Германия, Финляндия және басқа елдердің азаматтары коронавирус жұқтырғаны белгілі болды.

Қазақстан коронавируспен ауыратын науқастарға дербес диагноз қояды. Мұндай зертханалар денсаулық сақтау жүйесінде – Алматы мен астанада орналасқан.

"The Qazaq Times"