Көрнекі сурет. Фото: ашық дереккөз

Үкімет жанындағы ведомствоаралық комиссия Қазақстан аумағында коронавирустың тарауына жол бермеу мәселесі бойынша  бірқатар шешім қабылдады. Үкімет баспасөз қызметінің хабарлауынша:

  • 2020 жылғы 29 қаңтардан бастап ҚР мен ҚХР арасында жолаушылар автобусының тасымалы уақытша тоқтатылды; 2020 жылғы 1 ақпаннан бастап ҚР мен ҚХР арасында жүретін жолаушылар пойыздарының бағдары уақытша тоқтатылады;
  • 2020 жылғы 3 ақпаннан бастап ҚР мен ҚХР арасындағы жүйелі әуе қатынасы уақытша тоқтатылады;
  • ҚХР азаматтарына виза беру тоқтатылды;
  • 2020 жылғы 4-8 ақпан аралығында Халықаралық теннис федерациясының Федерация кубогының іріктеу матчтарын ҚХР-дың Дунгуан қаласынан Қазақстан астанасына  ауыстыруы туралы ұсынысы қабылданбады;
  • 2020 жылғы 12-16 ақпан аралығында су добынан Азия іріктеу чемпионаты өткізілмейтін болды.

Бірлеске комиссия «елдегі жағдай жіті бақылауда» екенін, сондай-ақ қатерлі коронавирус дертіне ел бойынша әзірге ешбір азамат шалдықпағанын жеткізді.

"The Qazaq Times"