Украина президенті Владимир Зеленский. Фото: https://nok

Украина президенті Владимир Зеленский Иран билігінің Boeing ұшағын атып түсіргені жөнінде ресми мәлімдеме жасады.

Зеленский Twitter парақшасындағы жазбасында: «Бүгінгі таң жақсы басталған жоқ, бірақ шындықтың бетін ашты. Халықаралық комиссия жұмысы аяқталмай тұрып, Иран украиналық ұшақты атып түсіргенін мойындады. Енді қателіктерін толыққанды мойындауын талап етеміз», – деді. Сонымен қатар, ол Иран билігінен ашық тергеу, зерттеулерге дайын болуды талап етті.

Бүгін таңертең Иран СІМ басшысы Теһрандағы ұшақ апатының себебі АҚШ-тың «авантюризмі» салдарынан дағдарыс кезеңінде жасалған қателік екенін айтты. Яғни Иран билігі украиналық ұшақтың байқаусызда атып түсірілгенін ресми мойындады.

8 қаңтарда Теһрандағы халықаралық әуежайдан Киевке ұшып шыққан «Украинаның халықаралық әуе желісі» компаниясына тиесілі «Boeing-737-800» ұшағы құлады. Ұшақта болған 176 адам: 167 жолаушы және 9 экипаж мүшесінің бәрі қаза болды. Дәл сол күні бірнеше сағат бұрын Иран АҚШ-тың Ирактағы әскери базаларын зымыранмен атқылаған.

"The Qazaq Times"