Ақсу аудандық сотында ісі қаралып жатқан 5 жігіт. Алматы облысы. 2019 жыл 20 желтоқсан. Фото: Ғалым Ағелеуовтың facebook парағынан

Алматы облысында «қытайларды таяққа жықыты» деп айыпталған Қызылағаш ауылының бес азаматы прокурормен процессуалдық келісім жасайды.

5 жігіттің адвокаты Жанар Балғабаева Азаттыққа берген сұқбатында:

– Бүгін сот процесін ықшамдалған күйде өткізу немесе процессуалдық келісім жасасу туралы өтініш бергенбіз. Қазір прокурормен процессуалдық келісім жасасамыз. Ол бойынша жігіттерге екі жылға бас бостандығын шектеу жазасы қарастырылған, – деді.

Балғабаевның сөзінше, бұл процес 25 желтоқсан сағат 15:00-де қаралмақ. Қорғаушының куәлік сөзіне қарағанда, көп жұрт қатысқан сот отырысының үзіліс кезінде «қатты ажиотаж» болып, «арнайы жасақ өкілдері келген».

– Халық не болғанын түсінбеді. Толқу басталды. Прокурор ертең бас бостандығы шектелгеннен кейін азаматтар бостандыққа шығады деп айтқаннан кейін ғана халық тынышталды, – деді ол.

Сотқа істе «жәбірленуші» ретінде танылған қытай жұмысшылары келмеген. Оқиға куәгерлерінің сөзінше, прокурор «бес жігітті ертең босатуға уәде берген».

Биыл 8 қазанда Қызылағаш ауылының бес азаматы бір топ қытай жабылған төбелесінен зардап шеккен қазақтың есесін қайтармақ ниетпен Қытайдың жиырма шақты азаматын соққыға жығып, оның 11-і жеңіл, үшеуі орта деңгейде жараланған. Бір қызығы, қытай азаматтары еліне қайтарылып, бес қызылағаштыққа қатысты Қылмыстық кодекстің «қару немесе суық қару қолданып денсаулыққа зиян келтіру» (293-бап) бабымен іс қозғалған.

Аталған оқиға себепкері бес қызылағаштықты Жаңаөзен қаласының тұрғындары қолдайтынын жариялады.

;feature=share&fbclid=IwAR3SlihDjYrg1uvSECsNte4utz6lfpHSbTO6NCfBbf7BwNOuK7bgxjckil8

"The Qazaq Times"