![](https://qazaqtimes.com/kk/content/uploads/2019/12/maxresdefault-16-1280x675-800x480.jpg?token=445ea374f6364b438733c870dc1401e5)
Украина президенті Владимир Зеленский «Киев өз территориясын бөліспейді және ешқашан федерализацияға жол бермейді» деп мәлімдеді.
«Норманд төрттігі» саммитінің қорытындысы бойынша өткен баспасөз мәслихатында ол: «Украина – унитарлы мемлекет. Мен Украина президенті ретінде елдің ешқашан бөлінбейтінін және украин халқы біртұтас екендігін баса айтқым келеді. Федерация құрамына ену туралы ой туындамай-ақ қойсын. Украина тәуелсіз, дербес және демократиялық мемлекет», – деп атап өтті.
Сондай-ақ, Зеленский сөзінде «Украинаның шығысындағы жағдайды халықаралық тұрғыда шешу мүмкін емес, әрбір украин үшін Донбасс пен Қырым – Украина жері», – деді.
Айта кетейік, 9 желтоқсанда Парижде «Норманд төрттігі» өкілдері бас қосты. «Норманд төрттігі» саммиті – Украинаның шығысындағы жанжалды реттеу үшін 2014 жылдан бері жұмыс істеп келе жатқан Украина, Ресей, Франция және Германия жетекшілері мен сыртқы істер министрлігінің кездесу форматы.