Назарбаевтың төрағалығымен Үкімет мүшелері, «Nur Otan» партиясы және оның Парламент Мәжілісіндегі фракция мүшелерінің қатысуымен өткен жиын. 18 қазан 2019 жыл. Елорда. Фото: Айдос Үкібайдың парақшасынан

«Бүгін Елбасы төрағалығымен Үкімет мүшелері, «Nur Otan» партиясы және оның Парламент Мәжілісіндегі фракция мүшелерінің қатысуымен жиын өтеді», – деп хабарлады жиынға жарты сағат қалғанда Назарбаевтың Баспасөз хатшысы Айдос Үкібай Twitter-дегі парақшасында.

Нұрсұлтан Назарбаевтың төрағалығымен өтіп жатқан кеңесте партияның сайлауалды «Қазақстан-2021: Бірлік. Тұрақтылық. Жасампаздық» және «100 нақты қадам» Ұлт жоспары» бағдарламаларының жүзеге асырылуы талқыланған көрінеді.

Жиынға Қауіпсіздік кеңесінің басшысы, партия төрағасы, экс-президентпен бірге Парламент Мәжілісінің төрағасы, «Nur Otan» Партиясының Мәжілістегі Фракциясының жетекшісі Нұрлан Нығматулин мен Үкімет басшысы Асқар Мамин қатысып жатыр.

Ақпарат толықтырылады.

Жоспарланбаған жиынға Парламент депутаттары да қатысуда. 18 қазан 2019 жыл. Елорда. Фото: Айдос Үкібайдың парақшасынан

"The Qazaq Times"