Қазақстанның Ұлттық банкі халықаралық кеңесшілер мен аудиторлық компаниялармен бірге он төрт ірі қаржы орталығын тексеруді бастады.

Аталған ірі қаржы орталықтарының жалпы үлесі елдегі нарықтың 90%-ы саналады. Екінші деңгейлі банктерді тексеру барысында қарыз беру, дүние-мүлікті кепілге беру сынды есеп-қисаптар қаралатын болады. Осыған байланысты Ұлттық банктік реттеу департаменті өкілдерінің айтуынша, ревизорлар бизнес және корпоративті басқару процестерін жіті қадағаламақ.

Айта кетейік, бұған дейін президент Қасым-Жомарт Тоқаев елдегі банктерді тексеру туралы тапсырма берген болатын. Тексеруге арналған бағалау бағдарламасы Еуропалық орталық банктің әдісі бойынша дайындалған.

"The Qazaq Times"