Фото: azattyq.org

"Нұр Отан" партиясының төрағасы Нұрсұлтан Назарбаев президенттікке  кандидат ретінде қазіргі президент Қасым-Жомарт Тоқаевты ұсынды.

"Жаңа басшылыққа халық тарапынан көп сенім артылмақ. Сол себепті, мен партия төрағасы ретінде президент сайлауына кандидат ретінде Қасым-Жомарт Тоқаевты ұсынамын. Ол сенат төрағасы ретінде парламентаризмнің дамуына үлкен үлес қосты. Сондай-ақ, жылдар бойы менің сенімді серігім болды", - деді Назарбаев "Нұр Отанның" ХІХ сьезінде.

Айта кетейік, Қасым-Жомарт Тоқаев ҚР қазіргі президенті. Осы айдың басында, мемлекет басшысы президент сайлауының 9 маусымда өтетінін мәлімдеді. Сонымен бірге,  ол сайлаудың әділ өтетініне сөз берді.

"The Qazaq Times"