Қаламгер ғалымдар 7 кітаптың тұсауын кесті. Фото: kznews.kz

5 сәуір күні Алматыдағы Жазушылар одағының кітапханасында жазушы, этнограф ғалым Баяхмет Жұмабайұлы этнография тақырыбындағы жеті бірдей кітабының тұсауын кесті.

Кітаптың тұсауын «Жұлдыз» журналының бас редакторы, ақын Ғалым Жайлыбай, тарихшы ғалым Нәбижан Мұхаммедханұлы, журналист, қоғам қайраткері Нұртілеу Иманғалиұлы, әдебиет танушы ғалым Темірхан Тебегенов қатарлы қаламгер-ғалымдар кесті.

Тұсау кесерге қатысқан қаламгер, тарихшы ғалымдар, зиялы қауым өкілдері ұлттық этногрфияға, оның бай қазынасының бүгіндегі зерттелуі мен зерделенуіне қатысты тың ойларын орта салды. Тұсаукесерге жиналғандар Баяхмет Жұмабайұлының аталған жеті еңбегі еліміздің этнография саласына қосылған құнды еңбек деп бағалады.

 “The Qazaq Times”