Палестиналықтар бүгін халықтық ереуіл жасамақ. Фото: Корреспондент.net.

 Израиль премьер-министрі Беньямин Нетаньяху Израиль әскери күштері Газа секторына операция жасауы мүмкін екенін ескертті. Ол бұған қатысты мәлімдемесін Газа шекарасындағы Израиль әскерлерімен кездесу кезінде айтты.

«Егер керек болған жағдайда Газаға кең көлемді әскери операция жасаймыз», – деді еврей елінің басшысы өз мәлімдемесінде. Ол сондай-ақ, бұл операцияға барлық Израиль азаматы дайын болуын ескерткен.

Осы аптаның бас шенінде Беньямин Нетаньяху қатысқан қауіпсіздік жөніндегі жоғары лауазымдылардың жиналысында Газа шекарасындағы Израиль әскерлерінің санын көбейту туралы шешім қабылданған болатын.

Ал, бүгін Палестина тарабы шекара күнінің 43 жылдығына орай кеңе көлемді халықтық ереуіл ұйымдастырмақ. Осыған орай әр жылы Израиль тарабы Газа секторында әскери күштерін көбейтеді.  

“The Qazaq Times”