Фото: ca-portal.ru

Тәжікстан Ресей ІІМ мәлімдемесін жоққа шығарды.

Тәжікстан шекара қызметі басқармасы Ресей ішкі істер министрі Игорь Зубовтың: «Тәжік-ауған шекарасына Пәкістан аумағынан «Ислам мемлекеті» содырлары тікұшақпен жеткізілуде» - деген мәлімдемесіне жауап берді.

«Шекара аралық аймақта «Ислам мемлекеті» содырлары пайда болса, біз ол жөнінде міндетті түрде ақпараттар аламыз. Тәжік-ауған шекарасында «Ислам мемлекеті» террорлық ұйымы жоқ. Шекарадағы сарбаздар жаткілікті дәрежеде. Қосымша күштер апарудың қажеті жоқ. Екінші шепте Тәжікстан Қорғаныс министрлігінің бөлімшелері орналасқан» - деп мәлімдеді Тәжікстан ҰҚК шекара қызметінің баспасөз хатшысы Мұхаммад Улушходжаев.

"The Qazaq Times"